專業

Macromedia's Ben Forta and the professional interpreter

在台灣，見識了專業的傳譯員一名，新偶像
專業是......
做足準備功夫，面對記者過分tech的提問也能準確翻譯

氣定神閒掌握翻譯節奏，夠薑對受訪者說「I will talk to you about this later」，然後繼續take notes

就受訪者說話時的語氣，譯意境而非語句

看看身旁的香港行家，又看看自己，不禁要問自己一句：「你究竟在做什麼？」

複製與貼上

朋友的diary看見，有趣有趣
你細個玩過幾多樣????
1. 玩米缸, 將手插入米缸裡面o既米裡面. (有，再用手撈起d米，睇住d米由手la中漏出)
2. 在百貨公司入面「篤」扶手電梯的吊牌 (有試過，不過好似唔夠高)
3. 地下有階磚特登隔一格一格黎行 (不可踩界, 要完全在格內) (有！有時會特登跨格行，或者行兩格跨一格......其實而家都仲有呢個習慣....^^"")
4. 用錶面反射陽光, 照黎照去 (yeah......尤其中學上堂坐窗口位時)
5. 跳樓梯 (愈多級愈勁) (有！最勁好似係5級)
6. 行路上高起左地方, (例如高起左o既長條型石博, 好似玩平衡木咁行法) (有呀，而家見到d長條型石「博」都仲有衝動行上去)
7. 鋪張紙在硬幣上面, 然後用鉛筆係上面油, 油返個形出黎 (yeah~不過油硬幣少d，比較鍾意油d擦走的鉛筆痕，好有睇到d抹走的秘密feel ^o^)
8. 食完瑞士糖之後, 將糖紙包番個原本四四方方果個形 (會呀)
9. 超級市場踩住架購物車黎行 (呢個一定啦)
10. 踩水tum, 係好特登果隻 (呢個少d喎，因為通常就算特登避水tum，都會唔知點解踩中...^^"")
11. 吹口水波 (咁高深的技術，太難掌握了)
12. 搣牆上的乳膠漆或牆紙 (haha....一兩次啦，之後狂叫自己忍手，同埋呢方面我細佬在行d)
13. 係平滑o既地面上面跣下跣下. (呵呵，會呀，而家係街就不會lor，因為驚p好樣衰)
14. 整濕d紙巾,掟上學校廁所天花. (冇，呢樣難度好高喎)
15. 食完綠箭香口膠, 一定摺返成張包裝紙再放返入個大套入面(有！！仲要係摺到同原本一模一樣，不過而家唔食綠箭，食airwave啦，冇包裝紙摺)
16. 讀幼稚園放痾尿, 一定同隔離果個同學仔玩"交叉光線"!!! (呢個......我冇得咁玩法喎)
17. 響課室玩過俄羅斯輪盤, 將玩粉刷霑滿粉筆粉 放係風扇上面等個風扇轉轉下轉得怏個時飛出黎 睇下個粉刷中邊個 (咁「逃學威龍」feel ge？ha 我間中學太乖啦)
18. 圍閹 (sorry...我讀女校)
19. 放膠袋 (當風爭甘放) (特登揚起個膠袋，入氣紮實當汽球玩就有，當風箏，唔，真有創意）
20. 呵尿時出力射走 D 屎積 (^^"""""""""""""""""""""""""""""""")
.....
計落咁多樣中，我都真係一個好typical的人.....^^""

紫氣東來

圖：ca

（序）
隨著科技的日新月異，我們每天都能透過互聯網接觸到大量不同的資訊。其中，應用得最廣的，應該是在招聘和求職方面，無論你是待業還是在職，只要透過subscribe一些市面上普遍的招聘網站如jobsdb.com，就能每天都收到符合你要求的工作招聘啟示（Job Alert），助你隨時保持對人力市場的觸覺，可謂十分好用。

（文）
正所謂一樣米養百樣人，有些人在找到一份安定的工作後就安枕無憂，不再理會人力市場動向。我正好相反，在求職時訂閱下來的Job Alert服務，一直沒有取消，一方面服務免費，另方面可保持自己對人力市場的敏感度，何樂而不為？近日，敝公司彌漫著一股低氣壓，多個深水炸彈欲爆未爆，而高層仍鈍而不覺，突變一觸即發。就在此時，原本一直維持在每天約十多個適合職位的Jobsdb Job Alert，忽然間，從前天的10個Alert，躍升到昨天的28個，到今天更突然暴升至一天內有76個！升幅達700%，蔚為奇觀。突然聯想到今晚在8樓晚飯時，看「楚漢驕雄」時，范老先生見到劉邦所見的「紫氣東來」異象。世事果然無奇不有。